CITO KAMPAU

Nginyam Lomang Tonga Pandemi

Kampar | Senin, 01 Juni 2020 - 11:05 WIB

Nginyam Lomang Tonga Pandemi

BANGKINANG (RIAUPOS.CO) -  Selamo Pandemi Covid-19 tambah ndak lomak ado iduik awak. Sodo babate. Ka masojik, babate. Ka pasau, baituong jaghak. Ka kantue, baituong tompek rapat. Mako sampailah kito pado salah satu ghayo tradisi kampuong kito, ghayo onam. Iko ghayo baziarah kubur, makan bajambau. Nan ndak kalah adolah menginyam lomang.


Tapi taun ko tapakso mangicap lomang di tonga corona. Ati tetakuik juo. Ndak dek Corona ajo do. Kondisi ekonomi kini go ndak seketek mambuek comeh. Jan jauh-jauh  le. Taun ko, mambuek lomang ghayo onam ndak tolok banyak-banyak le. Nda dek bauwang do, tapi dek ndak bapiti.

Bak nye warga Pulau banamo Davijul, lomang lai bamasak nyo. Tapi ndak bisa dimintak. Dek apo sebab, dek lomang ngenek bamasaknyo. Mako tapaso nyo manulak bilo ado kawan nak mamintak atau nak mambilo. Bia lah sabatang, ndak kan babei do.

‘’Sabatang ndak tolok do sanak, lomang ngenek nyo. Mo wak makan samo di umah deyen. Dek ngenek wak makan basamo, ndak bisa bo pulang do,’’ nye Davijul kepado konconyo.

Ekonomi memang mabuek come. Tapi untuonglah pemerintah awak lai copek mambuek kebijakan. Pembatasan Sosial Berskala Besar ndak diperpanjang dek Bupati awak Datuok Rajo Batuah Catur Sugeng Susanto.

Panggontinyo adalah Tatanan Iduik Baghu. Aturan baghu ko, awal tetap mempertahankan protokol kesehatan tapi awal sodo didorong untuok tetap produktif. Sahinggo perekonomian tetap berjalan. Yo bisa awak masak lomang banyak taun muko.(end)

 




youtube riaupos


Tuliskan Komentar anda dari account Facebook

TERBARU



Sharp Pekanbaru PSBB

UIR PMB Berbasis Rapor

Pelita Indonesia

EPAPER RIAU POS  2020-07-08.jpg

PT. Riau Multimedia Corporindo
Graha Pena Riau, 3rd floor
Jl. HR Soebrantas KM 10.5 Tampan
Pekanbaru - Riau
E-mail:riaupos.maya@gmail.com