CITO KAMPAU

Olun Jo Jole Kursi Wabup Ko Le?

Kampar | Selasa, 29 September 2020 - 11:29 WIB

Olun Jo Jole Kursi Wabup Ko Le?

BANGKINANG (RIAUPOS.CO) --  La lamo so Wakil Bupati ko lun taisi kurisi le, njak 2018 du leang, zaman Tuok Azis wak ninggal komua le. La dokek lo duo taun tuok Azis du meninggal sebagai Bupati ma, olun jo mampak calon Wakil Bupati le.


Jan kan calon, duo bakal calon olun tasuo dek awak le. Bapo jak partai koalisi nan baonam ko? Ko la nak abi lo jabatan panggonti Datuok du.

Kini Rajo Datuok Batuah Catur Sugeng Susanto lai aghok so ado wakil nyo? Aghok ndak ado Wakil, Datuok du ndak lo punyo kuaso nak mintak copek, sebab kuaso ado pado datuok-datuok pemimpin partai koalisi nan baonam.

Apo-apo partai koalisi nan baonam du nang? Kok ado nan batanyo, ko ambo sampaikan. Patamo, tontu duo partai utamo nan mangusuong almarhum Tuok Azis jo Tuok Rajo Batuah Catur, PPP jo Partai Golkar. Uwang baduo ko didukuong puko dek partai Gerindra, PKS, Nasdem jo PKB. Partai nan baonam ko tio nan bakuaso dan berhak manontun siapo Wakil Bupati.

Tapi jan sala lo le, onam partai ko pulo nan bisa mambuek Tuok Catur ndak bulio dapek Wakil. Nyo inyo nan manontun. Kok ndak ado kesepakatan soal duo namo kan diadokkan ka Bupati, tontu ndak kan micap wak Wakil Bupati sampai 2022 bisuok.

Tapi, Ocu Repol yang sempat menjadi Ketua Pansus pemilihan Wakil Bupati manyobuik ka wartawan, kini partai koalisi nan baonam sedang basiap rapat mebahas masalah du.

"Komua kami la kontak mangontak terkait masalah iko, dalam wakotu dokek ko, kan ado rapat internal antar partai koalisi nan baonam. Nan jole, jawuo-jawuo aghi, kami sodo la basapakat bahwa kursi Wakil Bupati baris diisi. Ini nan jole dulu," nye Ocu Repol komua.(end)


Diskes Kampar Lawan Covid-19








youtube riaupos


Tuliskan Komentar anda dari account Facebook





EPAPER RIAU POS  Hal-1.jpg

PT. Riau Multimedia Corporindo
Graha Pena Riau, 3rd floor
Jl. HR Soebrantas KM 10.5 Tampan
Pekanbaru - Riau
E-mail:riaupos.maya@gmail.com