OBAR KUANSING

Lotak Dopan Uma, Bungo Konai Ciluik

Kuantan Singingi | Minggu, 18 Oktober 2020 - 11:00 WIB

Lotak Dopan Uma, Bungo Konai Ciluik

(RIAUPOS.CO) - Musim bungo di Kuansing lah lamo. Tapi, sabulan balakangan ko ge, tambah manjadi. Idak induak-induak ajo de, nan jantanpun lah soto pulo. Kalaupun dak hobi ka bungo, sakurang-kurang a lah soto mamboli pot, disurue bini.


Cuman, ado kandala musim bungo ge. panciluik lah banyak lo. Awak nan punyo bungo kini lah kamari bedo. Dilotakan di dopan uma, konai sembar dek kawan. Dimasuak an ka uma, dak nampak dek urang de.


Pacuma juo kalau bungo awak ancak tapi dak nampak dek urang de. Nan mambuek ati pue, kalau rang bacarito duma sianu tu ancak-ancak bungo.

Manuruik pangalaman salah sorang warga Gunuang, Kecamatan Gunuang Toar nan dak omua disobuikan namonyo, mangecek dengan Riau Pos, Jumat (16/10) bahwasonyo bungo inyo lah duo kali konai ciluik dek urang.

“Gawat kini. Potang, pakai oto urang de manciluik a. Dapek tigo bungo kaladi ambo dek nyo,” jia warga gunuang tadi du.

Manuruik carito inyo, bungo kaladi ge banyak macam a. Ado dinamoan kaladi jando pirang, jando bolong bagai. Pokoknyo namo aneh-aneh. Harogo a pun macam-macam. Mulai dari 25 ribu, sampai nan harogo sajuta.(yas)

 








youtube riaupos


Tuliskan Komentar anda dari account Facebook

TERBARU





EPAPER RIAU POS  2020-10-30.jpg

PT. Riau Multimedia Corporindo
Graha Pena Riau, 3rd floor
Jl. HR Soebrantas KM 10.5 Tampan
Pekanbaru - Riau
E-mail:riaupos.maya@gmail.com