OBAR KUANSING

Gotah Pocah Rp5.000, Sawit Pocah Saribu Sakilo

Kuantan Singingi | Selasa, 19 Mei 2020 - 09:26 WIB

Gotah Pocah Rp5.000, Sawit Pocah Saribu Sakilo

TOLUAKKUANTAN (RIAUPOS.CO) - La jatuah ditimpo pulo dek tanggo. Itu nen dirason para petani kini di kampuang go. Gotah nen diarok mahal. La pocah kini Rp5000 sakilo. Sangek sorik kini go.

Baitupulo dengan sawit, kini la pocah lo saribu sakilo. Samintaro, kini urang ken rayo. Gotah nen sawit ken diarok tu lo model kini. Ibarat tak ado rogo. Ntah ken baapo la kadopan iduik go.


“Kalau kini go kami jual gotah potang Rp4.800 sakilo. Pocah dari Rp5000. La sangek murah, tak ado rogo gotah go ro,” je Surdi, Tukang Takiak di Desa Sako Pangean, baru-baru go.

Gotah nen ken diarok, jenyo, tak ado rogo kini le. Kini go, rang di kampuang masih manggantuangkan iduik kek batang gotah. “Rogo kini sangek lo tak ado nilai,” jenyo.

Baitu juo dengan rogo buah sawit, je Sudian, patani sawit di Loge Tanah Darek. Sudion mangaku, manjual sawitnyo la dibawah saribu sakilo. Babeda dengan pokan potang jenyo, sawitnyo tajual masih saribu lobiah.

“Kini la di bawah saribu. Dapek panen ngenek hari Homi potang, tapi rogo la murah lo. Samonye. Gotah murah, sawit murah lo kini,” diungkap dek Sudion.

Akibat gotah murah, Apriwal, pedagang minuman dan ragam makanan mangaku, badampak kek jual bolinyo.

“Sangek longang kini kodai. Itu dek gotah murah ma. Sabolum korona, kondisi co ikonye. Tapi kini tambah longang,” jenyo, Ahad (17/5) potang.(jps)

 






Tuliskan Komentar anda dari account Facebook

TERBARU


Achmad - Idul Fitri


EPAPER RIAU POS  2020-05-21.jpg

PT. Riau Multimedia Corporindo
Graha Pena Riau, 3rd floor
Jl. HR Soebrantas KM 10.5 Tampan
Pekanbaru - Riau
E-mail:riaupos.maya@gmail.com